ایک ہی نغمہ کبھی سوز کبھی ساز میں ہے

ایک ہی نغمہ کبھی سوز کبھی ساز میں ہے

ایسا اعجاز فقط وقت کی آواز میں ہے

عاشقی راز میں پہلے تھی نہ اب راز میں ہے

بازگشت اس کی تو ہر دور کی آواز میں ہے

جو ازل میں تھا وہی نغمہ یہاں ساز میں ہے

صرف یہ فرق ہے اب دور کی آواز میں ہے

اجنبیت ترے لہجے تری آواز میں ہے

آج تو مجھ سے مخاطب یہ کس انداز میں ہے

اتنا احساس ہے جو کچھ ہوں تجھی سے ہوں مگر

خود میں کیا ہوں یہ حقیقت تو ابھی راز میں ہے

پھیلنا بھی مجھے آتا ہے سمٹنا بھی مجھے

میرے انجام کی تکمیل بھی آغاز میں ہے

یوں تو ہر ایک ادا حسن کی دل کش ہے مگر

حسن کی روح نگاہ غلط انداز میں ہے

ek hi naghma kabhi soz kabhi saz mein hai

aisa ejaz faqat waqt ki awaz mein hai

ashiqi raz mein pahle thi na ab raz mein hai

bazgasht us ki to har daur ki awaz mein hai

jo azal mein tha wahi naghma yahan saz mein hai

sirf ye farq hai ab dur ki awaz mein hai

ajnabiyyat tire lahje tiri awaz mein hai

aj to mujh se mukhatib ye kis andaz mein hai

itna ehsas hai jo kuchh hun tujhi se hun magar

khud mein kya hun ye haqiqat to abhi raz mein hai

phailna bhi mujhe ata hai simatna bhi mujhe

mere anjam ki takmil bhi aghaz mein hai

yun to har ek ada husn ki dil kash hai magar

husn ki ruh nigah-e-ghalat andaz mein hai