سر نگاہ بساط جہاں تو کچھ بھی نہیں — Hadis Salsal

Arooz is now on the App Store, for iPhone and iPad. Download →

Hadis Salsal (b. 1995)

سر نگاہ بساط جہاں تو کچھ بھی نہیں

جہان‌‌ خود نگر و کج گماں تو کچھ بھی نہیں

درود بر سر کرب تغیر موسم

غم سیاست اہل جہاں تو کچھ بھی نہیں

تمام اصل سخن داد خالق خامہ

کمال مبتدئ نیم جاں تو کچھ بھی نہیں

تمام حسن سخن خوبی ہائے نکتہ وراں

جمال دیدۂ گریہ کناں تو کچھ بھی نہیں

بہ پیش جرات ترک امید یاس فزا

بساط عالم امید آں تو کچھ بھی نہیں

امیدوار رخ دیدہ بخش آئینہ ہا

قریب و دور نگہ جز گماں تو کچھ بھی نہیں

سکوت ارض و سما پردہ ہائے شورش دل

کھلا کہ غلغلہ الاماں تو کچھ بھی نہیں

سر‌ بسیط جمال مجسم اجمال

تحیر نگہ عاشقاں تو کچھ بھی نہیں

سکون خواب فزا رنج رائیگانئ عمر

زیان باعث صدہا زیاں تو کچھ بھی نہیں

شعور چشم و دل و جاں نثارئ عاشق

اگر ہے خالق نام و نشاں تو کچھ بھی نہیں

سفیر خوش خبر کوئے یار ناموجود

نہیں وجود فریب گماں تو کچھ بھی نہیں

خموشئ رہ پر سمت یک مسافر جو

نہیں ہے نالۂ پا بستگاں تو کچھ بھی نہیں

صلاح خوش گزراں قاتل تمنا ہے

مگر وقار تمنا یہاں تو کچھ بھی نہیں