آشیاں تھا ہم سے ہم تھے آشیانے کے لئے

آشیاں تھا ہم سے ہم تھے آشیانے کے لئے

روئیے کیا اب قفس میں اس زمانے کے لئے

کار فرما ہیں نیاز عشق کی مجبوریاں

سجدے لے کر میں چلا تھا آستانہ کے لئے

کشمکش میں ہے حیات و موت کی جان حزیں

آپ آ جائیں ذرا قصہ چکانے کے لئے

کوئی ہوتا ہے خریدار متاع اہل دل

دولت دارین لاتے ہیں لٹانے کے لئے

ہو قفس کی تیلیوں پر بھی نگاہ لطف برق

کیا نشیمن ہی کے تنکے تھے جلانے کے لئے

ashiyan tha ham se ham the ashiyane ke liye

roiye kya ab qafas mein is zamane ke liye

kar farma hain niyaz-e-ishq ki majburiyan

sajde le kar main chala tha astana ke liye

kashmakash mein hai hayat-o-maut ki jan-e-hazin

ap a jaen zara qissa chukane ke liye

koi hota hai kharidar mata-e-ahl-e-dil

daulat darain late hain lutane ke liye

ho qafas ki teliyon par bhi nigah-e-lutf barq

kya nasheman hi ke tinke the jalane ke liye