خود اپنی پرستش کرتے ہیں کچھ دیر و حرم سے کام نہیں

خود اپنی پرستش کرتے ہیں کچھ دیر و حرم سے کام نہیں

وہ طرز نیاز خاص ہے یہ جو کفر نہیں اسلام نہیں

ہوں پیر مغاں یا شیخ حرم سب باندھ رہے ہیں اپنی ہوا

کہنے کو بہت کچھ کہتے ہیں جو بات ہے اس کا نام نہیں

ہم توڑ دیں قید ہستی بھی یہ قید قفس تو چیز ہے کیا

اک جنبش قلب مضطر میں یا ہم ہی نہیں یا بام نہیں

ہے جوش عطائے ساقی بھی کب وجہ سکون تشنہ لبی

یا جام بقدر بادہ نہیں یا بادہ بقدر جام نہیں

آزاد رہے ناکام جئے پابند بھلا کیا شاد رہیں

ہو صحن‌ چمن یا کنج قفس ہم کو تو کہیں آرام نہیں

ہمت ہی نہیں کی ورنہ ابھی اک جست میں منزل جا لیتے

کٹتی ہے کہیں یوں راہ بھلا دو گام چلے دو گام نہیں

کیا شاہد رعنا چھانٹا ہے اللہ رے میری دیدہ وری

یہ حسن سر بازار نہیں یہ ذوق تماشا عام نہیں

khud apni parastish karte hain kuchh dair-o-haram se kam nahin

wo tarz-e-niyaz-e-khas hai ye jo kufr nahin islam nahin

hun pir-e-mughan ya shaikh-e-haram sab bandh rahe hain apni hua

kahne ko bahut kuchh kahte hain jo bat hai us ka nam nahin

ham tor den qaid-e-hasti bhi ye qaid-e-qafas to chiz hai kya

ik jumbish qalb-e-muztar mein ya ham hi nahin ya bam nahin

hai josh-e-ata-e-saqi bhi kab wajh-e-sukun-e-tishna labi

ya jam baqadr-e-bada nahin ya bada baqadr-e-jam nahin

azad rahe nakam jiye paband bhala kya shad rahen

ho sehn-e-chaman ya kunj-e-qafas ham ko to kahin aram nahin

himmat hi nahin ki warna abhi ik jast mein manzil ja lete

katti hai kahin yun rah bhula do gam chale do gam nahin

kya shahid raana chhanta hai allah re meri dida wari

ye husn-e-sar-e-bazar nahin ye zauq-e-tamasha am nahin