دل دیوانہ سے حال دل دیوانہ کہتے ہیں

دل دیوانہ سے حال دل دیوانہ کہتے ہیں

ہمیں ہیں سننے والے اور ہمیں افسانہ کہتے ہیں

سنا ہے پھر بہار آئے گی اس اجڑے ہوئے گھر میں

بنے گا اک جہان آرزو ویرانہ کہتے ہیں

سر اخلاص جس کا محو سجدہ ہو ترے در پر

وہ کیا جانے کسے کعبہ کسے بت خانہ کہتے ہیں

دم آخر ہے آ جاؤ مریض غم کی بالیں پر

ذرا سن لو لب خاموش کیا افسانہ کہتے ہیں

نقاب رخ الٹنا خرمن ہستی کا جل جانا

اسی بجلی کو شاید جلوۂ جانانہ کہتے ہیں

dil-e-diwana se hal-e-dil-e-diwana kahte hain

hamen hain sunne wale aur hamen afsana kahte hain

suna hai phir bahar aegi is ujre hue ghar mein

banega ik jahan-e-arzu wirana kahte hain

sar-e-ikhlas jis ka mahw-e-sajda ho tire dar par

wo kya jane kise kaaba kise but khana kahte hain

dam-e-akhir hai a jao mariz-e-gham ki balin par

zara sun lo lab-e-khamosh kya afsana kahte hain

naqab-e-rukh ulatna khirman-e-hasti ka jal jana

isi bijli ko shayad jalwa-e-janana kahte hain