Arooz is now on the App Store, for iPhone and iPad. Download →

All poetry

جادو ٹونا جانتا ہے

Habeeb Kaifi (b. 1945)

جادو ٹونا جانتا ہے

غائب ہونا جانتا ہے

دوست ہے وہ گہرا لیکن

دشمن ہونا جانتا ہے

تیری آہٹ کو اس گھر کا

کونا کونا جانتا ہے

رشتوں کی ترپائی کرنا

سینا پرونا جانتا ہے

بچوں کو وہ ہیرے موتی

چاندی سونا جانتا ہے

پاپ نہیں ہے جس کے دل میں

چین سے سونا جانتا ہے

اپنے مطلب کی خاطر وہ

سب کچھ ہونا جانتا ہے

ہنسنا آ جاتا ہے اس کو

جو بھی رونا جانتا ہے