Arooz is now on the App Store, for iPhone and iPad. Download →

All poetry

کانٹے چننا پھول بچھانا

Habeeb Kaifi (b. 1945)

کانٹے چننا پھول بچھانا

رستہ یوں آسان بنانا

لاکھ جلایا اس نے لیکن

زندہ ہے پھر بھی پروانہ

اس کو اپنا کر لینا تو

یا پھر اس کا ہی ہو جانا

مشورہ بھی کر لیں گے ہم

پہلے تو گھر آ جانا

حسن تو اک دن ڈھل جاتا ہے

حسن پہ اتنا کیا اترانا

ٹھوکر میں دنیا رکھا ہے

آیا جس کو ٹھوکر کھانا

جب ذرا آنکھیں کھلتی ہیں

کھلتا ہے پورا مے خانہ

لوگ گہرا کر دیتے ہیں

زخم نہ اپنا کوئی دکھانا