کئی دنوں سے اسے مجھ سے کوئی کام نہیں

کئی دنوں سے اسے مجھ سے کوئی کام نہیں

یہی سبب ہے کہ مجھ سے دعا سلام نہیں

ابھی سفر میں ہوں چلنا مرا مقدر ہے

پہنچ گیا ہوں جہاں وہ مرا مقام نہیں

فضا کثیف کیے جا رہے ہیں لوگ مگر

لگاتا ان پہ یہاں پر کوئی نظام نہیں

وہ لوٹنے کا بہانہ بھی ڈھونڈ سکتا ہے

خیال ہے مرا لیکن خیال خام نہیں

تمہارے محل کی بنیاد میں ہیں دفن مگر

کوئی بھی محل میں لیتا ہمارا نام نہیں

kai dinon se use mujh se koi kam nahin

yahi sabab hai ke mujh se dua salam nahin

abhi safar mein hun chalna mira muqaddar hai

pahunch gaya hun jahan wo mira maqam nahin

faza kasif kiye ja rahe hain log magar

lagata un pe yahan par koi nizam nahin

wo lautne ka bahana bhi dhund sakta hai

khayal hai mira lekin khayal-e-kham nahin

tumhare mahal ki buniyad mein hain dafn magar

koi bhi mahal mein leta hamara nam nahin