کیا ہوگا جب مر جائیں گے

کیا ہوگا جب مر جائیں گے

اپنے اپنے گھر جائیں گے

بات کو پوشیدہ رہنے دے

بات کھلی تو سر جائیں گے

قتل کیے دو چار تو سوچا

ہم بھی تجھ سے ڈر جائیں گے

چاہنے والے تیرے اک دن

چوکھٹ پر سر دھر جائیں گے

اس کی جانب جانے والے

لے کر جلتے پر جائیں گے

صدیاں یاد کریں گی ہم کو

کام ایسے کچھ کر جائیں گے

بن جائیں گے یاد کا حصہ

جب ہم تجھ پر مر جائیں گے

جیسی پائی ہم نے تجھ سے

چادر ویسی دھر جائیں گے

kya hoga jab mar jaenge

apne apne ghar jaenge

bat ko poshida rahne de

bat khuli to sar jaenge

qatl kiye do char to socha

ham bhi tujh se dar jaenge

chahne wale tere ik din

chaukhat par sar dhar jaenge

us ki janib jane wale

le kar jalte par jaenge

sadiyan yad karengi ham ko

kam aise kuchh kar jaenge

ban jaenge yad ka hissa

jab ham tujh par mar jaenge

jaisi pai ham ne tujh se

chadar waisi dhar jaenge