پہلے چاہت کو تیز کر لے گا

پہلے چاہت کو تیز کر لے گا

پھر وہ مجھ سے گریز کر لے گا

مسکرائے گا بات کرتے ہوئے

بات یوں معنی خیز کر لے گا

دو قدم ساتھ وہ چلے گا پھر

اپنی رفتار تیز کر لے گا

اس کو بیٹی کی شادی کرنی ہے

قرض لے کر جہیز کر لے گا

جب بھی آلودگی کو دیکھے گا

خود کو وہ عطر بیز کر لے گا

آئے گا مجھ سے دوستی کرنے

جب وہ ناخن کو تیز کر لے گا

pahle chahat ko tez kar lega

phir wo mujh se gurez kar lega

muskuraega bat karte hue

bat yun maani khez kar lega

do qadam sath wo chalega phir

apni raftar tez kar lega

us ko beti ki shadi karni hai

qarz le kar jahez kar lega

jab bhi aludagi ko dekhega

khud ko wo itr bez kar lega

aega mujh se dosti karne

jab wo nakhun ko tez kar lega