میں نے ارادہ جب بھی کیا ہے اڑان کا

میں نے ارادہ جب بھی کیا ہے اڑان کا

اس کو خیال آیا ہے تیر و کمان کا

آئے خیال اپنی زمیں کا بھی کچھ انہیں

رکھتے ہیں درد دل میں جو سارے جہان کا

پھر شہر دوستاں کی طرف گامزن ہوں میں

گو جانتا ہوں شہر میں خطرہ ہے جان کا

ہم کو زمیں سے خوب تر آیا نہ کچھ نظر

چکر لگا کے دیکھ چکے آسمان کا

از خود ہی خواہشیں مری محدود ہو گئیں

آیا خیال جب مجھے اپنے مکان کا

main ne irada jab bhi kiya hai uran ka

us ko khayal aya hai tir-o-kaman ka

ae khayal apni zamin ka bhi kuchh unhen

rakhte hain dard-e-dil mein jo sare jahan ka

phir shahr dostan ki taraf gamzan hun main

go janta hun shahr mein khatra hai jan ka

ham ko zamin se khub tar aya na kuchh nazar

chakkar laga ke dekh chuke asman ka

az khud hi khwahishen miri mahdud ho gain

aya khayal jab mujhe apne makan ka