گر کبھی فرصت ملے تو

گر کبھی فرصت ملے تو

دیکھ لینا گل کھلے تو

کچھ سمجھ پایا نہ لیکن

شکر ہے وہ لب ہلے تو

دل کی بات نہ دل میں رکھنا

کہہ دینا گر دل ملے تو

کہلائیں گے آپ مسیحا

میرا کوئی زخم سلے تو

منتظر ہیں آپ کس کے

چل دیے ہی قافلے تو

صدیوں تک چلتے رہتے ہیں

چلنے والے سلسلے تو

وہ نہ ہوگا جو ہوا ہے

گر کبھی ہم پھر ملے تو

gar kabhi fursat mile to

dekh lena gul khule to

kuchh samajh paya na lekin

shukr hai wo lab hile to

dil ki bat na dil mein rakhna

kah dena gar dil mile to

kahlaenge ap masiha

mera koi zakhm sile to

muntazir hain ap kis ke

chal diye hi qafile to

sadiyon tak chalte rahte hain

chalne wale silsile to

wo na hoga jo hua hai

gar kabhi ham phir mile to