یہاں سے چلیں گے وہاں سے چلیں گے

یہاں سے چلیں گے وہاں سے چلیں گے

کہو گے تو سارے جہاں سے چلیں گے

کماں سے چلے ہیں نہ جو تیر اب تک

وہی تیر تیری زباں سے چلیں گے

اچانک ہی جن کو ٹھہرنا پڑا ہے

مرے پاؤں کے وہ نشاں سے چلیں گے

جنہیں شوق منصب و انعام ہے وہ

جھکا کر نظر بے زباں سے چلیں گے

مٹا دیں گے ہستی و بستی تمہاری

وہ نالے جو درد نہاں سے چلیں گے

yahan se chalenge wahan se chalenge

kahoge to sare jahan se chalenge

kaman se chale hain na jo tir ab tak

wahi tir teri zaban se chalenge

achanak hi jin ko thaharna para hai

mire paon ke wo nishan se chalenge

jinhen shauq mansab-o-inam hai wo

jhuka kar nazar be zaban se chalenge

mita denge hasti-o-basti tumhari

wo nale jo dard-e-nihan se chalenge