مجھ کو دماغ شیون و آہ و فغاں نہیں

مجھ کو دماغ شیون و آہ و فغاں نہیں

اک آتش خموش ہوں جس میں دھواں نہیں

کس سادگی سے کہتے ہو ہم رازداں نہیں

وہ کون سا ہے راز جو تم پر عیاں نہیں

وہ دشمن سکون دل و جاں یہی نہ ہو

معصوم سی نگاہ کہ جس پر گماں نہیں

ہے آگ سی لگی ہوئی رگ رگ میں کیا کہوں

اک چشم انتظار ہی یاں خونچکاں نہیں

یوں دیکھتا ہوں برق کو اللہ رے بے دلی

جیسے کہیں چمن میں مرا آشیاں نہیں

اس چشم ناز کی کوئی دیکھے فسوں گری

بار حیات بھی مجھے اب تو گراں نہیں

اے مست ناز مشق ستم اس سے بھی سوا

اے ذوق درد حیف اگر جاوداں نہیں

اے دل سر نیاز کو کیا قید سنگ و در

کعبہ ہی کیا برا ہے جو وہ آستاں نہیں

کی فرصت حیات تری جستجو میں صرف

اے وائے گر ہنوز وفا کا گماں نہیں

mujh ko dimagh shewan-o-ah-o-fughan nahin

ik atish-e-khamosh hun jis mein dhuan nahin

kis sadgi se kahte ho ham razdan nahin

wo kaun sa hai raz jo tum par ayan nahin

wo dushman-e-sukun-e-dil-o-jan yahi na ho

maasum si nigah ke jis par guman nahin

hai ag si lagi hui rag rag mein kya kahun

ik chashm-e-intizar hi yan khunchakan nahin

yun dekhta hun barq ko allah re be dili

jaise kahin chaman mein mira ashiyan nahin

us chashm-e-naz ki koi dekhe fusun giri

bar-e-hayat bhi mujhe ab to giran nahin

ai mast-e-naz mashq-e-sitam us se bhi siwa

ai zauq-e-dard haif agar jawedan nahin

ai dil-e-sar niyaz ko kya qaid-e-sang-o-dar

kaaba hi kya bura hai jo wo astan nahin

ki fursat-e-hayat tiri justuju mein sirf

ai wae gar hanoz wafa ka guman nahin