ہر چند اس نے خوگر آزار کر دیا

ہر چند اس نے خوگر آزار کر دیا

نغمات زندگی کو تو بیدار کر دیا

معصومیت نگاہ کرم کی ستم ہوئی

الفت کا اعتبار میں اظہار کر دیا

پھر اس کی یاد آئی لئے گلستان شوق

پھر آرزو کو تشنۂ دیدار کر دیا

اس نے بہ یک نگاہ خریدے دل و جگر

ہوش و خرد کو نذر خریدار کر دیا

دل گنج بے بہا سہی لیکن ترے لئے

ہم نے تو صرف رونق بازار کر دیا

ہر جرم عشق فخر ہے میرے لئے مگر

اس کی نگاہیں دیکھ کے انکار کر دیا

حسرت بھری نظر وہ کسی کی دم وداع

مرنا بھی میرے واسطے دشوار کر دیا

har chand us ne khugar-e-azar kar diya

naghmat-e-zindagi ko to bedar kar diya

maasumiyat nigah-e-karam ki sitam hui

ulfat ka etibar mein izhar kar diya

phir us ki yad ai liye gulistan-e-shauq

phir arzu ko tishna-e-didar kar diya

us ne ba yak nigah kharide dil-o-jigar

hosh-o-khirad ko nazr-e-kharidar kar diya

dil ganj-e-be baha sahi lekin tire liye

ham ne to sirf raunaq-e-bazar kar diya

har jurm-e-ishq fakhr hai mere liye magar

us ki nigahen dekh ke inkar kar diya

hasrat bhari nazar wo kisi ki dam-e-wida

marna bhi mere waste dushwar kar diya