مجھے آماجگاہ ناوک بیداد رہنے دے
Habeeb Ahmad Siddiqui (b. 1908)مجھے آماجگاہ ناوک بیداد رہنے دے
جو اس کا نام بربادی ہے تو برباد رہنے دے
سرشت عشق لذت آشنائے تلخ کامی ہے
میں ناشاد تمنا ہوں مجھے ناشاد رہنے دے
نہیں جب سبحہ و زنار کے پھندے میں گیرائی
مجھے دیر و حرم کے دام سے آزاد رہنے دے
ابھی سے کیوں بنی جاتی ہے چشم ناز بیگانہ
فریب آرزو کچھ دن ستم ایجاد رہنے دے
کیا ہے کن امیدوں پر فراہم آشیاں میں نے
خدارا موسم گل تک مرے صیاد رہنے دے
ہمیں آزادیٔ فکر و نظر کا ادعا تو ہے
کوئی غارت گر ایماں اگر آزاد رہنے دے
دل برباد سے یہ چشمک چشم طرب کیوں ہے
کرم نا آشنا کو خوگر بیداد رہنے دے
mujhe amajgah nawak-e-bedad rahne de
jo us ka nam barbadi hai to barbad rahne de
sarisht-e-ishq lazzat ashna-e-talkh kami hai
main nashad-e-tamanna hun mujhe nashad rahne de
nahin jab subha-o-zunnar ke phande mein girai
mujhe dair-o-haram ke dam se azad rahne de
abhi se kyun bani jati hai chashm-e-naz begana
fareb-e-arzu kuchh din sitam ijad rahne de
kya hai kin ummidon par faraham ashiyan main ne
khudara mausam-e-gul tak mire sayyad rahne de
hamen azadi-e-fikr-o-nazar ka iddia to hai
koi gharat gar-e-iman agar azad rahne de
dil-e-barbad se ye chashmak chashm-e-tarab kyun hai
karam na ashna ko khugar-e-bedad rahne de