کسے بتائیں کہ زاد سفر گیا کب کا

کسے بتائیں کہ زاد سفر گیا کب کا

رہا ہی کیا ہے غم معتبر گیا کب کا

مجھے بھی دیکھ کہ میں ایک نقش حیرت ہوں

دکھا کے آئنہ آئینہ گر گیا کب کا

تلاش صحرا بہ صحرا جسے کیا میں نے

وہ میری روح کے اندر اتر گیا کب کا

دعا رہین اثر ہے یہ بات سچ ہے مگر

مری دعا سے یقیناً اثر گیا کب کا

نہ سنگ میل نہ جادہ نہ کوئی منزل شوق

اکیلا میں ہوں مرا ہم سفر گیا کب کا

کوئی امید نہ خواہش نہ آرزو باقی

کہ میرے جسم کا انسان مر گیا کب کا

حبابؔ ایک تناور درخت تھا میں بھی

پہ ٹوٹ ٹوٹ کے آخر بکھر گیا کب کا

kise bataen ke zad-e-safar gaya kab ka

raha hi kya hai gham-e-motabar gaya kab ka

mujhe bhi dekh ke main ek naqsh-e-hairat hun

dikha ke aina aina gir gaya kab ka

talash-e-sahra ba sahra jise kya main ne

wo meri ruh ke andar utar gaya kab ka

dua rahin-e-asar hai ye bat sach hai magar

miri dua se yaqinan asar gaya kab ka

na sang-e-mel na jada na koi manzil-e-shauq

akela mein hun mira ham safar gaya kab ka

koi umid na khwahish na arzu baqi

ke mere jism ka insan mar gaya kab ka

habab ek tanawar darakht tha main bhi

pe tut tut ke akhir bikhar gaya kab ka