جب اس سے ترک ملاقات کا ارادہ کیا

جب اس سے ترک ملاقات کا ارادہ کیا

تب اس نے دامن دل کو ذرا کشادہ کیا

بس اک نگاہ سے اس کی سدا رہے مخمور

کبھی نہ جام اٹھایا نہ شغل بادہ کیا

فریب دے کے بھی اس کا قصور کم ہی رہا

کہ ہم نے اس پہ بھروسہ بھی کچھ زیادہ کیا

شرافت اور نجابت کا اس کو غرہ ہے

حسب نسب سے سوا ذکر خانوادہ کیا

جہان شعر و ادب میں ہمارا ذکر بھی ہے

کہ ہم نے میرؔ سے غالبؔ سے استفادہ کیا

مری غیور طبیعت پہ اس کو حیرت ہے

کہ عرض شوق کا اس سے نہ پھر اعادہ کیا

یہ اور بات کہ ناکامیاں مقدر تھیں

حبابؔ جو بھی کیا ہم نے بالارادہ کیا

jab us se tark-e-mulaqat ka irada kiya

tab us ne daman-e-dil ko zara kushada kiya

bas ik nigah se us ki sada rahe makhmur

kabhi na jam uthaya na shaghl-e-bada kiya

fareb de ke bhi us ka qusur kam hi raha

ke ham ne us pe bharosa bhi kuchh ziyada kiya

sharafat aur najabat ka us ko ghurra hai

hasab nasab se siwa zikr khanawada kiya

jahan-e-sher-o-adab mein hamara zikr bhi hai

ke ham ne mir se ghalib se istifada kiya

miri ghayur tabiat pe us ko hairat hai

ke arz-e-shauq ka us se na phir iada kiya

ye aur bat ke nakamiyan muqaddar thin

habab jo bhi kya ham ne bilirada kiya