مشینیں کام اپنا کر رہی ہیں

مشینیں کام اپنا کر رہی ہیں

ہمیں بھی اپنے جیسا کر رہی ہیں

ہزاروں میل سے آتی ہوائیں

یہاں کہرام برپا کر رہی ہیں

نئی بیساکھیاں عکس و صدا کی

ہمارے قد کو اونچا کر رہی ہیں

سبھی کو اونگھ سی آنے لگی ہے

فضائیں جادو ٹونا کر رہی ہیں

ہمارا دل تو ہنگاموں بھرا تھا

یہاں تنہائیاں کیا کر رہی ہیں

یہ ظالم ہنسنے والی ہستیاں ہیں

فقط رومال گیلا کر رہی ہیں

mashinen kam apna kar rahi hain

hamen bhi apne jaisa kar rahi hain

hazaron mel se ati hawaen

yahan kohram barpa kar rahi hain

nai besakhiyan aks-o-sada ki

hamare qad ko uncha kar rahi hain

sabhi ko ungh si ane lagi hai

fazaen jadu tona kar rahi hain

hamara dil to hangamon bhara tha

yahan tanhaiyan kya kar rahi hain

ye zalim hansne wali hastiyan hain

faqat rumal gila kar rahi hain