زندگی اک وبال ہے صاحب

زندگی اک وبال ہے صاحب

اب تو جینا محال ہے صاحب

آپ جو کچھ کہیں وہی سچ ہے

بے سبب قیل و قال ہے صاحب

آپ کی بے رخی ہمارے لئے

زندگی کا سوال ہے صاحب

غم دنیا ہو یا غم عقبیٰ

نعمت لا زوال ہے صاحب

اس نے پوچھا ہے آج میرا مزاج

اب طبیعت بحال ہے صاحب

ہم محبت کی بات کرتے ہیں

آپ کا کیا خیال ہے صاحب

زخم اب کیسے ہم دکھائیں حبابؔ

ایک ٹیڑھا سوال ہے صاحب

zindagi ik wabal hai sahab

ab to jina muhal hai sahab

ap jo kuchh kahin wahi sach hai

be sabab qil-o-qal hai sahab

ap ki be rukhi hamare liye

zindagi ka sawal hai sahab

gham-e-duniya ho ya gham-e-uqba

nemat-e-la zawal hai sahab

us ne puchha hai aj mera mizaj

ab tabiat bahal hai sahab

ham mohabbat ki bat karte hain

ap ka kya khayal hai sahab

zakhm ab kaise ham dikhaen habab

ek terha sawal hai sahab