اب مصر میں کہاں کوئی بازار معتبر

اب مصر میں کہاں کوئی بازار معتبر

یوسف ہی معتبر نہ خریدار معتبر

ایسے میں سوچتا ہوں کسے معتبر کہوں

ملتا نہیں ہے جب کوئی کردار معتبر

رہزن چھپے ہوئے ہیں پس سنگ میل راہ

مطلق نہیں ہے سایۂ اشجار معتبر

تاریک شب ہے اور لرزتے ہوئے چراغ

لگتے نہیں ہیں صبح کے آثار معتبر

کہنے کو سرفروش تھے جانباز تھے بہت

ٹھہرے اکیلے ہم ہی سر دار معتبر

محفل میں اہل فن بھی یہ کہنے لگے حبابؔ

پختہ ترا سخن ترے اشعار معتبر

ab misr mein kahan koi bazar-e-motabar

yusuf hi motabar na kharidar motabar

aise mein sochta hun kise motabar kahun

milta nahin hai jab koi kirdar motabar

rahzan chhupe hue hain pas sang-e-mel-e-rah

mutlaq nahin hai saya-e-ashjar motabar

tarik shab hai aur larazte hue charagh

lagte nahin hain subh ke asar motabar

kahne ko sarfarosh the janbaz the bahut

thahre akele ham hi sar-e-dar-e-motabar

mahfil mein ahl-e-fan bhi ye kahne lage habab

pukhta tira sukhan tire ashar motabar