کبھی ہمارے لئے تیغ بے نیام کرو

کبھی ہمارے لئے تیغ بے نیام کرو

جو داستاں ہے تمہاری اسے تمام کرو

خلوص اور محبت سے نیک کام کرو

یہ مے کدہ ہے سبھی کو شریک جام کرو

جو میکدے سے نکالے گئے تو کیا ہوگا

میں محتسب ہوں یہاں میرا احترام کرو

تمہارے قرب سے دل کو سکون ملتا ہے

مرے قریب ہی بیٹھو نہ کچھ کلام کرو

وہ ایک شام کہ جس پر نثار صبح ازل

وہ ایک شام کبھی تم ہمارے نام کرو

کہاں نجات کی صورت ہے قید ہستی سے

کسی طرح اسی زنداں میں صبح و شام کرو

حبابؔ ہستئ موہوم کا بھروسہ کیا

مسافروں کی طرح بس یہاں قیام کرو

kabhi hamare liye tegh-e-be niyam karo

jo dastan hai tumhari use tamam karo

khulus aur mohabbat se nek kam karo

ye mai kada hai sabhi ko sharik-e-jam karo

jo maikade se nikale gae to kya hoga

main mohtasib hun yahan mera ehtiram karo

tumhare qurb se dil ko sukun milta hai

mire qarib hi baitho na kuchh kalam karo

wo ek sham ke jis par nisar subh-e-azal

wo ek sham kabhi tum hamare nam karo

kahan najat ki surat hai qaid-e-hasti se

kisi tarah isi zindan mein subh-o-sham karo

habab-e-hasti-e-mauhum ka bharosa kiya

musafiron ki tarah bas yahan qayam karo