کہاں وہ سیم تناں ہیں کہاں وہ گل بدناں

کہاں وہ سیم تناں ہیں کہاں وہ گل بدناں

عزیز از دل و جاں ہے حدیث لالہ رخاں

یہ ہم سے پوچھو جلال و جمال کیا شے ہے

ہمارے گرد رہا ہے ہجوم ماہ وشاں

مری نگاہ کو ہے دید کی کہاں فرصت

ہیں یوں تو جلوے ہی جلوے فضا میں رقص کناں

سکوں ہے کار گہ زیست میں کہاں یارو

کشاں کشاں لئے پھرتی ہے گردش دوراں

یہاں تو سانس بھی لینے میں احتیاط ہے شرط

بقول میرؔ یہ ہے کار گاہ شیشہ گراں

حبابؔ اپنے وطن سے تو دور ہوں لیکن

نگاہ میں ہیں سبھی دوستان زندہ دلاں

kahan wo sim tanan hain kahan wo gul badanan

aziz az dil-o-jan hai hadis-e-lala rukhan

ye ham se puchho jalal-o-jamal kya shai hai

hamare gard raha hai hujum-e-mah washan

miri nigah ko hai did ki kahan fursat

hain yun to jalwe hi jalwe faza mein raqs kunan

sukun hai kar-e-gah zist mein kahan yaro

kashan kashan liye phirti hai gardish-e-dauran

yahan to sans bhi lene mein ehtiyat hai shart

baqaul mir ye hai kar gah shisha giran

habab apne watan se to dur hun lekin

nigah mein hain sabhi dostan zinda dalan