بارہا ہو کے گئے ابر بہاراں خالی

بارہا ہو کے گئے ابر بہاراں خالی

دشت میں پھول کھلے اور گلستاں خالی

اب تو خلوت کدۂ عالم امکاں سے نکل

اب یہاں کوئی نہیں عشق کا عنواں خالی

پھر کسی جنت گم گشتہ کو دیکھا اس نے

جسم پھر چھوڑ چلا جسم کا زنداں خالی

وادیٔ زیست میں دل ڈھونڈھتا ہے نور کا رنگ

چار سو گھورتی ہے چشم پریشاں خالی

اے صبا اب تو یہاں کوئی نیا پھول کھلا

ایک مدت سے ہے دامان غزل خواں خالی

barha ho ke gae abr-e-baharan khali

dasht mein phul khule aur gulistan khali

ab to khalwat kada-e-alam-e-imkan se nikal

ab yahan koi nahin ishq ka unwan khali

phir kisi jannat-e-gum gashta ko dekha us ne

jism phir chhor chala jism ka zindan khali

wadi-e-zist mein dil dhundhta hai nur ka rang

char su ghoratti hai chashm-e-pareshan khali

ai saba ab to yahan koi naya phul khula

ek muddat se hai daman-e-ghazal khwan khali