اپنے گھر سے میرے گھر تک کچھ لمحوں میں آئے گا

اپنے گھر سے میرے گھر تک کچھ لمحوں میں آئے گا

اتنی مسافت میں لوگوں کو کتنے رنگ دکھائے گا

دھوپ تھی سرسوں کی کیاری میں دونوں مل کر سوئے تھے

یہ منظر بھی ساتھ ہمارے در در ٹھوکر کھائے گا

پھر وہ شاعر رات گئے اس شہر میں تنہا پھرتا ہے

اس کو کہنا صبر کرے ملنے کا موسم آئے گا

ساری رات وہ ساتھ رہے سائے کی طرح ہم سے دور

ہم بھی ساتھ لگے رہتے ہیں کبھی تو مل ہی جائے گا

رات کی کالی چادر لے کر دن بھر سوئے رہتے ہیں

دیکھیں کب وہ سورج بن کر ہمیں جگانے آئے گا

apne ghar se mere ghar tak kuchh lamhon mein aega

itni masafat mein logon ko kitne rang dikhaega

dhup thi sarson ki kiyari mein donon mil kar soe the

ye manzar bhi sath hamare dar dar thokar khaega

phir wo shayar rat gae is shahr mein tanha phirta hai

us ko kahna sabr kare milne ka mausam aega

sari rat wo sath rahe sae ki tarah ham se dur

ham bhi sath lage rahte hain kabhi to mil hi jaega

rat ki kali chadar le kar din bhar su-e-rahte hain

dekhen kab wo suraj ban kar hamen jagane aega