کیا کرے حال دل بیاں کوئی

کیا کرے حال دل بیاں کوئی

نہ رہا زیب داستاں کوئی

پھر ہے قلب و نظر میں یکسوئی

کاش آ جائے ناگہاں کوئی

آنکھ شبنم کی دیکھتی ہے کسے

چاندنی میں ہوا جواں کوئی

شہر سے دور دن کا پھول کھلا

دشت میں بھی ہے گلستاں کوئی

دل بھی ہم راز آرزو نکلا

اب نہیں اپنا رازداں کوئی

چھوڑ دکھ سکھ کی منزلوں کا طواف

دل میاں ڈھونڈ آستاں کوئی

دور اپنوں سے ہو رہے ہیں لوگ

دیکھیے کب ملے کہاں کوئی

kya kare hal-e-dil bayan koi

na raha zeb-e-dastan koi

phir hai qalb-o-nazar mein yaksoi

kash a jae nagahan koi

ankh shabnam ki dekhti hai kise

chandni mein hua jawan koi

shahr se dur din ka phul khula

dasht mein bhi hai gulsitan koi

dil bhi ham raz arzu nikla

ab nahin apna razdan koi

chhor dukh sukh ki manzilon ka tawaf

dil miyan dhund astan koi

dur apnon se ho rahe hain log

dekhiye kab mile kahan koi