منظر ہوش سے آگے بھی نظر جانے دے

منظر ہوش سے آگے بھی نظر جانے دے

جا رہا ہے یہ مسافر تو ادھر جانے دے

تیری آواز کی پرواز میں ہے میرا وجود

اپنی گفتار کے پردوں میں بکھر جانے دے

نہ کوئی چشم تمنا نہ کوئی دست دعا

زندگی تو مجھے بے لوث گزر جانے دے

تیرے قابل بھی نہیں تیرے مقابل بھی نہیں

ہم سفر ساتھ مجھے اپنے مگر جانے دے

تو تو ہے حسن ازل اور مرا رنگ غزل

میری آواز میں بھی کچھ تو اثر جانے دے

میرے اشعار میں صدیوں کے تلاطم کا شعور

کاش تو ان کو ذرا دل میں اتر جانے دے

manzar-e-hosh se age bhi nazar jane de

ja raha hai ye musafir to idhar jane de

teri awaz ki parwaz mein hai mera wajud

apni guftar ke pardon mein bikhar jane de

na koi chashm-e-tamanna na koi dast-e-dua

zindagi to mujhe be los guzar jane de

tere qabil bhi nahin tere muqabil bhi nahin

ham safar sath mujhe apne magar jane de

tu to hai husn-e-azal aur mira rang-e-ghazal

meri awaz mein bhi kuchh to asar jane de

mere ashar mein sadiyon ke talatum ka shuur

kash tu un ko zara dil mein utar jane de