عہد غضب ہے شور بہت قیل و قال کا

عہد غضب ہے شور بہت قیل و قال کا

یہ دور ہے بہائے ادب کے زوال کا

غاروں میں چھپ کے سو رہو اے ساکنان دل

صدیوں تلک نہ آئے گا جھونکا خیال کا

ویران اپنے ہاتھ سے کی کار گاہ زیست

ذرے سے خوب کام لیا ہے کمال کا

آئے تھے اس زمین پہ جائیں گے اب کہاں

دے گا جواب کون ہمیں اس سوال کا

یہ سعیٔ رائیگاں تو نہ تھی اپنی جستجو

اے ذوالجلال ہم کو دکھا رخ جمال کا

بیٹھے ہیں سو برس سے ترے انتظار میں

آؤ بھی اب تو فاصلہ ہے ایک سال کا

ahd-e-ghazab hai shor bahut qil-o-qal ka

ye daur hai bahae adab ke zawal ka

gharon mein chhup ke so raho ai sakinan-e-dil

sadiyon talak na aega jhonka khayal ka

wiran apne hath se ki kar gah-e-zist

zarre se khub kam liya hai kamal ka

ae the is zamin pe jaenge ab kahan

dega jawab kaun hamen is sawal ka

ye sai-e-raigan to na thi apni justuju

ai zualjalal ham ko dikha rukh jamal ka

baithe hain sau baras se tire intizar mein

ao bhi ab to fasla hai ek sal ka