کیا کرے قیدیٔ زندان خیال

کیا کرے قیدیٔ زندان خیال

تاب آواز سلاسل نہ رہی

جب تری یاد نے گھر چھوڑ دیا

جستجو کی کوئی منزل نہ رہی

بجھ گیا شہر گئے رات کے لوگ

اک رمق تھی سر محفل نہ رہی

ہم ترے ساتھ رہے پاس رہے

تیری قربت ہمیں حاصل نہ رہی

اب ترا غم بھی تجھے سونپ دیا

اب کوئی بات بھی مشکل نہ رہی

اب تری یاد میں جی لگتا ہے

زندگی جب کسی قابل نہ رہی

kya kare qaidi-e-zindan-e-khayal

tab awaz-e-salasil na rahi

jab tiri yad ne ghar chhor diya

justuju ki koi manzil na rahi

bujh gaya shahr gae rat ke log

ik ramaq thi sar-e-mahfil na rahi

ham tire sath rahe pas rahe

teri qurbat hamen hasil na rahi

ab tira gham bhi tujhe saunp diya

ab koi bat bhi mushkil na rahi

ab tiri yad mein ji lagta hai

zindagi jab kisi qabil na rahi