رات پھر جانب سحر آئی

رات پھر جانب سحر آئی

کتنی دشوار رہ گزر آئی

چاند تاروں کے پھول مرجھائے

جب بھی شبنم کی آنکھ بھر آئی

حسرتوں کا سفید فام کفن

کون پہنے ہوئے کدھر آئی

کس تمنا کی چشم آوارہ

ٹھوکریں کھا کے در بدر آئی

آج رنگ شفق عجیب سا تھا

دل کی تصویر سی اتر آئی

اک زمانہ ہوا خزاں گزرے

دل اجڑنے کی اب خبر آئی

کیا ہوا دل کی آبرو نہ رہی

زندگی کچھ تو راہ پر آئی

rat phir janib-e-sahar ai

kitni dushwar rah guzar ai

chand taron ke phul murjhae

jab bhi shabnam ki ankh bhar ai

hasraton ka safed fam-e-kafan

kaun pahne hue kidhar ai

kis tamanna ki chashm-e-awara

thokaren kha ke dar badar ai

aj rang-e-shafaq ajib sa tha

dil ki taswir si utar ai

ik zamana hua khizan guzre

dil ujarne ki ab khabar ai

kya hua dil ki abru na rahi

zindagi kuchh to rah par ai