موسم بدل سکے نہ ترے انتظار کے

موسم بدل سکے نہ ترے انتظار کے

اب کے بھی دن گزر گئے یوں ہی بہار کے

غم خیز و غم شناس مری پر شکوہ رات

کب آؤگی پہاڑ سا یہ دن گزار کے

آیا حضور یار سے شاعر کو یہ پیام

آئے شراب‌ و شعر کا چوغا اتار کے

دل میں ترے اتر نہ سکی میری کوئی بات

لکھے ہیں لاکھ شعر غزل کے سنوار کے

ایک مشت خاک بن کے اڑا دل کا کارواں

دشت طلب میں اب بھی نشاں ہیں غبار کے

mausam badal sake na tire intizar ke

ab ke bhi din guzar gae yun hi bahar ke

gham khez-o-gham shanas miri par shikwa rat

kab aogi pahar sa ye din guzar ke

aya huzur-e-yar se shayar ko ye payam

ae sharab-o-sher ka chogha utar ke

dil mein tire utar na saki meri koi bat

likhe hain lakh sher ghazal ke sanwar ke

ek musht-e-khak ban ke ura dil ka karwan

dasht-e-talab mein ab bhi nishan hain ghubar ke