نظر نظر سے ملی دل پکار اٹھا کہ نہیں

نظر نظر سے ملی دل پکار اٹھا کہ نہیں

نہیں خبر مجھے اس وقت ہوش تھا کہ نہیں

پھر آرزوؤں کی بستی میں قافلے آئے

در فسون تمنا ابھی کھلا کہ نہیں

نئے سفر ہیں نئے راہرو نئی راہیں

نئے زمین و زماں کی ہے ابتدا کہ نہیں

تری تلاش میں ہم خود سے آشنا نہ رہے

ابھی ہوئی ہے محبت کی انتہا کہ نہیں

ترے وصال کے رستوں میں ہم خرد سے ملے

جنوں نے دل سے کہا ہے وہی فضا کہ نہیں

nazar nazar se mili dil pukar utha ke nahin

nahin khabar mujhe is waqt hosh tha ke nahin

phir arzuon ki basti mein qafile ae

dar-e-fusun-e-tamanna abhi khula ke nahin

nae safar hain nae rahrau nai rahen

nae zamin-o-zaman ki hai ibtida ke nahin

tiri talash mein ham khud se ashna na rahe

abhi hui hai mohabbat ki intiha ke nahin

tire wisal ke raston mein ham khirad se mile

junun ne dil se kaha hai wahi faza ke nahin