اب بھی توہین اطاعت نہیں ہوگی ہم سے

اب بھی توہین اطاعت نہیں ہوگی ہم سے

دل نہیں ہوگا تو بیعت نہیں ہوگی ہم سے

روز اک تازہ قصیدہ نئی تشبیب کے ساتھ

رزق برحق ہے یہ خدمت نہیں ہوگی ہم سے

دل کے معبود جبینوں کے خدائی سے الگ

ایسے عالم میں عبادت نہیں ہوگی ہم سے

اجرت عشق وفا ہے تو ہم ایسے مزدور

کچھ بھی کر لیں گے یہ محنت نہیں ہوگی ہم سے

ہر نئی نسل کو اک تازہ مدینے کی تلاش

صاحبو اب کوئی ہجرت نہیں ہوگی ہم سے

سخن آرائی کی صورت تو نکل سکتی ہے

پر یہ چکی کی مشقت نہیں ہوگی ہم سے

ab bhi tauhin itaat nahin hogi ham se

dil nahin hoga to baiat nahin hogi ham se

roz ik taza qasida nai tashbib ke sath

rizq barhaq hai ye khidmat nahin hogi ham se

dil ke maabud jabinon ke khudai se alag

aise alam mein ibadat nahin hogi ham se

ujrat-e-ishq-e-wafa hai to ham aise mazdur

kuchh bhi kar lenge ye mehnat nahin hogi ham se

har nai nasl ko ik taza madine ki talash

sahabo ab koi hijrat nahin hogi ham se

sukhan arai ki surat to nikal sakti hai

par ye chuki ki mashaqqat nahin hogi ham se