حامی بھی نہ تھے منکر غالبؔ بھی نہیں تھے

حامی بھی نہ تھے منکر غالبؔ بھی نہیں تھے

ہم اہل تذبذب کسی جانب بھی نہیں تھے

اس بار بھی دنیا نے ہدف ہم کو بنایا

اس بار تو ہم شہہ کے مصاحب بھی نہیں تھے

بیچ آئے سر قریۂ زر جوہر پندار

جو دام ملے ایسے مناسب بھی نہیں تھے

مٹی کی محبت میں ہم آشفتہ سروں نے

وہ قرض اتارے ہیں کہ واجب بھی نہیں تھے

لو دیتی ہوئی رات سخن کرتا ہوا دن

سب اس کے لیے جس سے مخاطب بھی نہیں تھے

hami bhi na the munkir ghalib bhi nahin the

ham ahl tazabzub kisi janib bhi nahin the

is bar bhi duniya ne hadaf ham ko banaya

is bar to ham shah ke musahib bhi nahin the

bech ae sar-e-qarya-e-zar jauhar pindar

jo dam mile aise munasib bhi nahin the

mitti ki mohabbat mein ham ashufta saron ne

wo qarz utare hain ke wajib bhi nahin the

lo deti hui rat sukhan karta hua din

sab us ke liye jis se mukhatib bhi nahin the