مرے خدا مجھے اتنا تو معتبر کر دے
Iftikhar Arif (b. 1943)مرے خدا مجھے اتنا تو معتبر کر دے
میں جس مکان میں رہتا ہوں اس کو گھر کر دے
یہ روشنی کے تعاقب میں بھاگتا ہوا دن
جو تھک گیا ہے تو اب اس کو مختصر کر دے
میں زندگی کی دعا مانگنے لگا ہوں بہت
جو ہو سکے تو دعاؤں کو بے اثر کر دے
ستارۂ سحری ڈوبنے کو آیا ہے
ذرا کوئی مرے سورج کو با خبر کر دے
قبیلہ وار کمانیں کڑکنے والی ہیں
مرے لہو کی گواہی مجھے نڈر کر دے
میں اپنے خواب سے کٹ کر جیوں تو میرا خدا
اجاڑ دے مری مٹی کو در بدر کر دے
مری زمین مرا آخری حوالہ ہے
سو میں رہوں نہ رہوں اس کو بارور کر دے
mire khuda mujhe itna to motabar kar de
main jis makan mein rahta hun us ko ghar kar de
ye raushni ke taaqub mein bhagta hua din
jo thak gaya hai to ab us ko mukhtasar kar de
main zindagi ki dua mangne laga hun bahut
jo ho sake to duaon ko be asar kar de
sitara-e-sahari dubne ko aya hai
zara koi mire suraj ko ba khabar kar de
qabila war kamanen karakne wali hain
mire lahu ki gawahi mujhe nidar kar de
main apne khwab se kat kar jyun to mera khuda
ujar de miri mitti ko dar badar kar de
miri zamin mira akhiri hawala hai
so main rahun na rahun us ko barwar kar de