سمجھ رہے ہیں مگر بولنے کا یارا نہیں

سمجھ رہے ہیں مگر بولنے کا یارا نہیں

جو ہم سے مل کے بچھڑ جائے وہ ہمارا نہیں

ابھی سے برف الجھنے لگی ہے بالوں سے

ابھی تو قرض مہ و سال بھی اتارا نہیں

بس ایک شام اسے آواز دی تھی ہجر کی شام

پھر اس کے بعد اسے عمر بھر پکارا نہیں

ہوا کچھ ایسی چلی ہے کہ تیرے وحشی کو

مزاج پرسی باد صبا گوارا نہیں

سمندروں کو بھی حیرت ہوئی کہ ڈوبتے وقت

کسی کو ہم نے مدد کے لیے پکارا نہیں

وہ ہم نہیں تھے تو پھر کون تھا سر بازار

جو کہہ رہا تھا کہ بکنا ہمیں گوارا نہیں

ہم اہل دل ہیں محبت کی نسبتوں کے امین

ہمارے پاس زمینوں کا گوشوارہ نہیں

samajh rahe hain magar bolne ka yara nahin

jo ham se mil ke bichhar jae wo hamara nahin

abhi se barf-e-ulajhne lagi hai balon se

abhi to qarz mah-o-sal bhi utara nahin

bas ek sham use awaz di thi hijr ki sham

phir is ke baad use umr bhar pukara nahin

hawa kuchh aisi chali hai ke tere wahshi ko

mizaj parsi bad-e-saba gawara nahin

samundaron ko bhi hairat hui ke dubte waqt

kisi ko ham ne madad ke liye pukara nahin

wo ham nahin the to phir kaun tha sar-e-bazar

jo kah raha tha ke bikna hamen gawara nahin

ham ahl-e-dil hain mohabbat ki nisbaton ke amin

hamare pas zaminon ka goshwara nahin