دکھ اور طرح کے ہیں دعا اور طرح کی

دکھ اور طرح کے ہیں دعا اور طرح کی

اور دامن قاتل کی ہوا اور طرح کی

دیوار پہ لکھی ہوئی تحریر ہے کچھ اور

دیتی ہے خبر خلق خدا اور طرح کی

کس دام اٹھائیں گے خریدار کہ اس بار

بازار میں ہے جنس وفا اور طرح کی

بس اور کوئی دن کہ ذرا وقت ٹھہر جائے

صحراؤں سے آئے گی صدا اور طرح کی

ہم کوئے ملامت سے نکل آئے تو ہم کو

راس آئی نہ پھر آب و ہوا اور طرح کی

dukh aur tarah ke hain dua aur tarah ki

aur daman-e-qatil ki hawa aur tarah ki

diwar pe likhi hui tahrir hai kuchh aur

deti hai khabar khalq-e-khuda aur tarah ki

kis dam uthaenge kharidar ke is bar

bazar mein hai jins-e-wafa aur tarah ki

bas aur koi din ke zara waqt thahar jae

sahraon se aegi sada aur tarah ki

ham ku-e-malamat se nikal ae to ham ko

ras ai na phir ab-o-hawa aur tarah ki