حریم لفظ میں کس درجہ بے ادب نکلا

حریم لفظ میں کس درجہ بے ادب نکلا

جسے نجیب سمجھتے تھے کم نسب نکلا

سپاہ شام کے نیزے پہ آفتاب کا سر

کس اہتمام سے پروردگار شب نکلا

ہماری گرمئ گفتار بھی رہی بے سود

کسی کی چپ کا بھی مطلب عجب عجب نکلا

بہم ہوئے بھی مگر دل کی وحشتیں نہ گئیں

وصال میں بھی دلوں کا غبار کب نکلا

ابھی اٹھا بھی نہیں تھا کسی کا دست کرم

کہ سارا شہر لیے کاسۂ طلب نکلا

harim-e-lafz mein kis darja be adab nikla

jise najib samajhte the kam nasab nikla

sipah-e-sham ke neze pe aftab ka sar

kis ehtimam se parwardigar shab nikla

hamari garmi-e-guftar bhi rahi be sud

kisi ki chup ka bhi matlab ajab ajab nikla

baham hue bhi magar dil ki wahshaten na gain

wisal mein bhi dilon ka ghubar kab nikla

abhi utha bhi nahin tha kisi ka dast-e-karam

ke sara shahr liye kasa-e-talab nikla