سمندر اس قدر شوریدہ سر کیوں لگ رہا ہے

سمندر اس قدر شوریدہ سر کیوں لگ رہا ہے

کنارے پر بھی ہم کو اتنا ڈر کیوں لگ رہا ہے

وہ جس کی جرأت پرواز کے چرچے بہت تھے

وہی طائر ہمیں بے بال و پر کیوں لگ رہا ہے

وہ جس کے نام سے روشن تھے مستقبل کے سب خواب

وہی چہرہ ہمیں نا معتبر کیوں لگ رہا ہے

بہاریں جس کی شاخوں سے گواہی مانگتی تھیں

وہی موسم ہمیں اب بے ثمر کیوں لگ رہا ہے

در و دیوار اتنے اجنبی کیوں لگ رہے ہیں

خود اپنے گھر میں آخر اتنا ڈر کیوں لگ رہا ہے

samundar is qadar shorida sar kyun lag raha hai

kinare par bhi ham ko itna dar kyun lag raha hai

wo jis ki jurat-e-parwaz ke charche bahut the

wahi tair hamen be bal-o-par kyun lag raha hai

wo jis ke nam se raushan the mustaqbil ke sab khwab

wahi chehra hamen na motabar kyun lag raha hai

baharen jis ki shakhon se gawahi mangti thin

wahi mausam hamen ab be samar kyun lag raha hai

dar-o-diwar itne ajnabi kyun lag rahe hain

khud apne ghar mein akhir itna dar kyun lag raha hai