دلوں کے زخم بھرتے کیوں نہیں ہیں

دلوں کے زخم بھرتے کیوں نہیں ہیں

ہم اس پر غور کرتے کیوں نہیں ہیں

دغا دے کر نکل جاتی ہے آگے

خوشی سے لوگ ڈرتے کیوں نہیں ہیں

تجارت کیوں ادھوری ہے ہماری

ہمارے ناپ بھرتے کیوں نہیں ہیں

کسی نے بھی نہ پوچھا دشمنوں سے

محبت آپ کرتے کیوں نہیں ہیں

ہماری زندگی ہے موت جیسی

یہی سچ ہے تو مرتے کیوں نہیں ہیں

نظر اوروں پہ کیوں رہتی ہے حارثؔ

ہم اپنا کام کرتے کیوں نہیں ہیں

dilon ke zakhm bharte kyun nahin hain

ham us par ghaur karte kyun nahin hain

dagha de kar nikal jati hai age

khushi se log darte kyun nahin hain

tijarat kyun adhuri hai hamari

hamare nap bharte kyun nahin hain

kisi ne bhi na puchha dushmanon se

mohabbat ap karte kyun nahin hain

hamari zindagi hai maut jaisi

yahi sach hai to marte kyun nahin hain

nazar auron pe kyun rahti hai haris

ham apna kam karte kyun nahin hain