یہ اب کھلا کہ کوئی بھی منظر مرا نہ تھا

یہ اب کھلا کہ کوئی بھی منظر مرا نہ تھا

میں جس میں رہ رہا تھا وہی گھر مرا نہ تھا

میں جس کو ایک عمر سنبھالے پھرا کیا

مٹی بتا رہی ہے وہ پیکر مرا نہ تھا

موج ہوائے شہر مقدر جواب دے

دریا مرے نہ تھے کہ سمندر مرا نہ تھا

پھر بھی تو سنگسار کیا جا رہا ہوں میں

کہتے ہیں نام تک سر محضر مرا نہ تھا

سب لوگ اپنے اپنے قبیلوں کے ساتھ تھے

اک میں ہی تھا کہ کوئی بھی لشکر مرا نہ تھا

ye ab khula ke koi bhi manzar mira na tha

main jis mein rah raha tha wahi ghar mira na tha

main jis ko ek umr sambhale phira kya

mitti bata rahi hai wo paikar mira na tha

mauj-e-hawa-e-shahr muqaddar jawab de

dariya mire na the ke samundar mira na tha

phir bhi to sangsar kiya ja raha hun main

kahte hain nam tak sar-e-mahzar mira na tha

sab log apne apne qabilon ke sath the

ik main hi tha ke koi bhi lashkar mira na tha