ستارہ وار جلے پھر بجھا دئے گئے ہم

ستارہ وار جلے پھر بجھا دئے گئے ہم

پھر اس کے بعد نظر سے گرا دئے گئے ہم

عزیز تھے ہمیں نو واردان کوچۂ عشق

سو پیچھے ہٹتے گئے راستہ دئے گئے ہم

شکست و فتح کے سب فیصلے ہوئے کہیں اور

مثال مال غنیمت لٹا دئے گئے ہم

زمین فرش گل و لالہ سے سجائی گئی

پھر اس زمیں کی امانت بنا دئے گئے ہم

دعائیں یاد کرا دی گئی تھیں بچپن میں

سو زخم کھاتے رہے اور دعا دئے گئے ہم

sitara war jale phir bujha diye gae ham

phir is ke baad nazar se gira diye gae ham

aziz the hamen nau waridan kucha-e-ishq

so pichhe hatte gae rasta diye gae ham

shikast-o-fath ke sab faisle hue kahin aur

misal-e-mal-e-ghanimat luta diye gae ham

zamin farsh-e-gul-o-lala se sajai gai

phir is zamin ki amanat bana diye gae ham

duaen yad kara di gai thin bachpan mein

so zakhm khate rahe aur dua diye gae ham