انہیں میں جیتے انہیں بستیوں میں مر رہتے

انہیں میں جیتے انہیں بستیوں میں مر رہتے

یہ چاہتے تھے مگر کس کے نام پر رہتے

پیمبروں سے زمینیں وفا نہیں کرتیں

ہم ایسے کون خدا تھے کہ اپنے گھر رہتے

پرندے جاتے نہ جاتے پلٹ کے گھر اپنے

پر اپنے ہم شجروں سے تو با خبر رہتے

بس ایک خاک کا احسان ہے کہ خیر سے ہیں

وگرنہ صورت خاشاک در بہ در رہتے

مرے کریم جو تیری رضا مگر اس بار

برس گزر گئے شاخوں کو بے ثمر رہتے

unhen mein jite unhen bastiyon mein mar rahte

ye chahte the magar kis ke nam par rahte

payambaron se zaminen wafa nahin kartin

ham aise kaun khuda the ke apne ghar rahte

parinde jate na jate palat ke ghar apne

par apne ham shajron se to ba khabar rahte

bas ek khak ka ehsan hai ke khair se hain

wagarna surat-e-khashak dar ba dar rahte

mire karim jo teri raza magar is bar

baras guzar gae shakhon ko be samar rahte