کہاں کے نام و نسب علم کیا فضیلت کیا

کہاں کے نام و نسب علم کیا فضیلت کیا

جہان رزق میں توقیر اہل حاجت کیا

شکم کی آگ لیے پھر رہی ہے شہر بہ شہر

سگ زمانہ ہیں ہم کیا ہماری ہجرت کیا

دمشق مصلحت و کوفۂ نفاق کے بیچ

فغان قافلۂ بے نوا کی قیمت کیا

مآل عزت سادات عشق دیکھ کے ہم

بدل گئے تو بدلنے پہ اتنی حیرت کیا

قمار خانۂ ہستی میں ایک بازی پر

تمام عمر لگا دی تو پھر شکایت کیا

فروغ صنعت قد آوری کا موسم ہے

سبک ہوئے پہ بھی نکلا ہے قد و قامت کیا

kahan ke nam-o-nasab ilm kya fazilat kya

jahan-e-rizq mein tauqir ahl-e-hajat kya

shikam ki ag liye phir rahi hai shahr ba shahr

sag-e-zamana hain ham kya hamari hijrat kya

damshaqq maslahat-o-kofa-e-nifaq ke bich

fughan-e-qafila-e-be nawa ki qimat kya

maal-e-izzat sadat ishq dekh ke ham

badal gae to badalne pe itni hairat kya

qimar khana-e-hasti mein ek bazi par

tamam umr laga di to phir shikayat kya

farogh-e-sanat qad awari ka mausam hai

subuk hue pe bhi nikla hai qad-o-qamat kya