بے محل ہے گفتگو ہیں بے اثر اشعار ابھی

بے محل ہے گفتگو ہیں بے اثر اشعار ابھی

زندگی بے لطف ہے نا پختہ ہیں افکار ابھی

پوچھتے رہتے ہیں غیروں سے ابھی تک میرا حال

آپ تک پہنچے نہیں شاید مرے اشعار ابھی

زندگی گزری ابھی اس آگ کے گرداب میں

دل سے کیوں جانے لگی حرص لب و رخسار ابھی

ہاں یہ سچ ہے سر بسر کھوئے گئے ہیں عقل و ہوش

دل میں دھڑکن ہے ابھی دل تو ہے خود مختار ابھی

کیوں نہ کر لوں اور ابھی سیر بہار لالہ زار

میں نہیں محسوس کرتا ہوں نحیف و زار ابھی

be mahal hai guftugu hain be asar ashar abhi

zindagi be lutf hai na pukhta hain afkar abhi

puchhte rahte hain ghairon se abhi tak mera hal

ap tak pahunche nahin shayad mire ashar abhi

zindagi guzri abhi is ag ke girdab mein

dil se kyun jane lagi hirs-e-lab-o-rukhsar abhi

han ye sach hai sar basar khoe gae hain aql-o-hosh

dil mein dharkan hai abhi dil to hai khud mukhtar abhi

kyun na kar lun aur abhi sair-e-bahar-e-lala zar

main nahin mahsus karta hun nahif-o-zar abhi