خلش و سوز دل فگار ہی دی

خلش و سوز دل فگار ہی دی

دل میں شمشیر آب دار ہی دی

بے وفا سے معاملے کے لیے

اک طبیعت وفا شعار ہی دی

کیفیت دل کی بیان کرنے کو

ایک آواز دل فگار ہی دی

خار کو تو زبان گل بخشی

گل کو لیکن زبان خار ہی دی

دل شب زندہ دار ہم کو دیا

حسن کو چشم پر خمار ہی دی

خود رقیبوں کے واسطے میں نے

زلف معشوق کی سنوار ہی دی

کیا نشیب و فراز تھی تنویرؔ

زندگی آپ نے گزار ہی دی

khalish-o-soz-e-dil figar hi di

dil mein shamshir-e-ab dar hi di

be wafa se muamle ke liye

ik tabiat wafa shiar hi di

kaifiyat-e-dil ki bayan karne ko

ek awaz dil figar hi di

khar ko to zaban-e-gul bakhshi

gul ko lekin zaban-e-khar hi di

dil-e-shab zinda dar ham ko diya

husn ko chashm pur khumar hi di

khud raqibon ke waste main ne

zulf-e-maashuq ki sanwar hi di

kya nasheb-o-faraz thi tanwir

zindagi ap ne guzar hi di