ذہن سے دل کا بار اترا ہے

ذہن سے دل کا بار اترا ہے

پیرہن تار تار اترا ہے

ڈوب جانے کی لذتیں مت پوچھ

کون ایسے میں پار اترا ہے

ترک مے کر کے بھی بہت پچھتائے

مدتوں میں خمار اترا ہے

دیکھ کر میرا دشت تنہائی

رنگ روئے بہار اترا ہے

پچھلی شب چاند میرے ساغر میں

پے بہ پے بار بار اترا ہے

zehn se dil ka bar utra hai

pairahan tar tar utra hai

dub jane ki lazzaten mat puchh

kaun aise mein par utra hai

tark-e-mai kar ke bhi bahut pachhtae

muddaton mein khumar utra hai

dekh kar mera dasht-e-tanhai

rang-e-ru-e-bahar utra hai

pichhli shab chand mere saghar mein

pe ba pe bar bar utra hai