کچھ بھی تو اپنے پاس نہیں جز متاع دل

کچھ بھی تو اپنے پاس نہیں جز متاع دل

کیا اس سے بڑھ کے اور بھی کوئی ہے امتحاں

لکھنے کو لکھ رہے ہیں غضب کی کہانیاں

لکھی نہ جا سکی مگر اپنی ہی داستاں

دل سے دماغ و حلقۂ عرفاں سے دار تک

ہم خود کو ڈھونڈتے ہوئے پہنچے کہاں کہاں

اس بے وفا پہ بس نہیں چلتا تو کیا ہوا

اڑتی رہیں گی اپنے گریباں کی دھجیاں

ہم خود ہی کرتے رہتے ہیں فتنوں کی پرورش

آتی نہیں ہے کوئی بلا ہم پہ ناگہاں

kuchh bhi to apne pas nahin juz mata-e-dil

kya is se barh ke aur bhi koi hai imtihan

likhne ko likh rahe hain ghazab ki kahaniyan

likhi na ja saki magar apni hi dastan

dil se dimagh-o-halqa-e-irfan se dar tak

ham khud ko dhundte hue pahunche kahan kahan

us be wafa pe bas nahin chalta to kya hua

urti rahengi apne gareban ki dhajjiyan

ham khud hi karte rahte hain fitnon ki parwarish

ati nahin hai koi bala ham pe nagahan