چھلکتی آئے کہ اپنی طلب سے بھی کم آئے

چھلکتی آئے کہ اپنی طلب سے بھی کم آئے

ہمارے سامنے ساقی بہ ساغر جم آئے

فروغ آتش گل ہی چمن کی ٹھنڈک ہے

سلگتی چیختی راتوں کو بھی تو شبنم آئے

بس ایک ہم ہی لیے جائیں درس عجز و نیاز

کبھی تو اکڑی ہوئی گردنوں میں بھی خم آئے

جو کارواں میں رہے میر کارواں کے قریب

نہ جانے کیوں وہ پلٹ آئے اور برہم آئے

نگار صبح سے پوچھیں گے شب گزرنے دو

کی ظلمتوں سے الجھ کر وہ آئی یا ہم آئے

عجیب بات ہے کیچڑ میں لہلہائے کنول

پھٹے پرانے سے جسموں پہ سج کے ریشم آئے

مسیح کون بنے سارے ہاتھ آلودہ

لہولہان ہے دھرتی کہاں سے مرہم آئے

chhalakti ae ke apni talab se bhi kam ae

hamare samne saqi ba saghar-e-jam ae

farogh-e-atish-e-gul hi chaman ki thandak hai

sulagti chikhti raton ko bhi to shabnam ae

bas ek ham hi liye jaen dars-e-ijz-o-niyaz

kabhi to akri hui gardanon mein bhi kham ae

jo karwan mein rahe mir-e-karwan ke qarib

na jane kyun wo palat ae aur barham ae

nigar-e-subh se puchhenge shab guzarne do

ki zulmaton se ulajh kar wo ai ya ham ae

ajib bat hai kichar mein lahlahae kanwal

phate purane se jismon pe saj ke resham ae

masih kaun bane sare hath aluda

lahuluhan hai dharti kahan se marham ae