راہ طلب میں کون کسی کا اپنے بھی بیگانے ہیں

راہ طلب میں کون کسی کا اپنے بھی بیگانے ہیں

چاند سے مکھڑے رشک غزالاں سب جانے پہچانے ہیں

تنہائی سی تنہائی ہے کیسے کہیں کیسے سمجھائیں

چشم و لب و رخسار کی تہ میں روحوں کے ویرانے ہیں

اف یہ تلاش حسن و حقیقت کس جا ٹھہریں جائیں کہاں

صحن چمن میں پھول کھلے ہیں صحرا میں دیوانے ہیں

ہم کو سہارے کیا راس آئیں اپنا سہارا ہیں ہم آپ

خود ہی صحرا خود ہی دوانے شمع نفس پروانے ہیں

بالآخر تھک ہار کے یارو ہم نے بھی تسلیم کیا

اپنی ذات سے عشق ہے سچا باقی سب افسانے ہیں

rah-e-talab mein kaun kisi ka apne bhi begane hain

chand se mukhre rashk-e-ghazalan sab jane pahchane hain

tanhai si tanhai hai kaise kahen kaise samjhaen

chashm-o-lab-o-rukhsar ki tah mein ruhon ke wirane hain

uf ye talash-e-husn-o-haqiqat kis ja thahren jaen kahan

sehn-e-chaman mein phul khule hain sahra mein diwane hain

ham ko sahare kya ras aen apna sahara hain ham ap

khud hi sahra khud hi diwane sham-e-nafas parwane hain

bilakhir thak har ke yaro ham ne bhi taslim kiya

apni zat se ishq hai sachcha baqi sab afsane hain